RAFAEL 6,5: ‘O purtiere chesto ha dda fà: pure si ‘o chiammano sultanto ‘na vota ô juorno, isso s’aiza e arape ‘a porta. Anze, int”o caso suoje, t”a chiude ‘nfaccia.
MESTO 6: “Cognomina sunt consequentia rerum”.
HENRIQUE 6: Nun è certo Cafù, ma si jucasse cchiù assaje ne capesseme certamente ‘na cusarella ‘e cchiù.
KOULIBALY 7: Ma vuò vedè ca chisto fosse forte overamente?
BRITOS 5,5: Chillo ‘o mobbele già è bello, pò piglia pure ‘e bbuttarelle…
(dal 37′ GHOULAM 6): E vabbuò, a trasì ‘o posto ‘e Michele simme tutte quante campiune.
INLER 6: Neutro e neutrale; da bbuono svizzero qual è.
GARGANO 6: Forze s’aveva miso ‘a maschera pe nun se fà cunoscere, ma stavota nun ce n’è stato bisogno, pe ffurtuna.
MERTENS 6: ‘Na pallottola spuntuta.
DE GUZMÁN 8: Treguzmán; è ‘a serata soja.
INSIGNE 7: “Nunsigne” nun segna, ma è ‘na fiammella sempe appicciata ca scarfa ‘o core.
(dal 73′ CALLEJÓN 6): Comme spisse le capita in Europa, tene justo ‘o tiempo ‘e se passà nu poco ‘e gel pe ccapa.
ZAPATA 6,5: Don Rafè ‘o minaccia d”o fà fora, e allora isso fa fora a Vilotić, Vong Bergen e cumpagnia calciante e difendente.
(dal 78′ HIGUAÍN s.v.) “S.V.”, “Sua Valentia.”
di Domenico Ascione (Twitter: @vesuvilandia)
