RAFAEL 5,5: Ma pecché, stamme facenno ‘a pattita? Je aggio sentuto nu bburdello â via ‘e fora…
MAGGIO 5,5: Curre curre, guagliò; tanto sulo chesto saje fà.
KOULIBALY 6,5: Larrondo e Quagliarella avranno ditto: «E mo comme ‘o jettamme ‘nterra, a chisto?!»
ALBIOL 5,5: Aveva essere ‘a chioccia ‘e Koulibaly, e ‘mmece ultimamente me pare cchiù nu pullecino spellacchiato.
ZÚÑIGA 7: Si sapesse jucà pure ô pallone, overo fosse forte.
GARGANO 6: ‘O core è gruosso (e pure azzurro), ma ‘e piede chille so’.
(dal 66′ DAVID LÓPEZ 5,5): Chi?
INLER 6: Quanno Giesù Cristo spartette ‘a leadership, steva dint”o bar a fà culazzione.
CALLEJÓN 6,5: V”o ggiuro, guagliù, aggio tirato ‘mporta.
MICHU 5,5: Se sbatte, s’affanna, ma quanno ‘a sfurtuna se mette ‘e travierso – anze, ‘e traversa – nun c”è che ffà.
(dal 69′ MERTENS) È comme a nu grande film; ne vale ‘a pena sulo dall’inizio.
INSIGNE 7,5: «Ma si’ pproprio ‘na g… oooooooooool!!! Je l’aggio sempe ditto ca era forte.»
HIGUAÍN 5: Ahhh sceeetate. Ahhh sceeetate. Scetate mo Higuaín ca ll’aria è ddoce.
(dall’85’ MESTO s.v.) Justo ‘o tiempo ‘e se cagnà ‘a maglietta e mettere dduje addominale bbuono in vista.
di Domenico Ascione (Twitter: @vesuvilandia)
