C”A CAPA DINT”O PALLONE – Slovan Bratislava vs. Napoli (‘e ppaggelle)

RAFAEL s.v.: Stasera ‘a palla nun ‘a vede manco. Comme a ssempe, inzomma.

MAGGIO 5,5: “Superbike” tene ‘na rota ‘nterra e n’ata addò ‘o gummista. Spumpato.

KOULIBALY 6,5: «È guaglione, si farà.» Madonna quanto corre! Nun è ca se fa già?

BRITOS 6: “Meglio nu ciuccio vivo, ca nu duttore muorto.”

GHOULAM 6: Nu poco ‘e manuvalanza a basso costo pure è bbona.

DAVID LÓPEZ 6: A livello ‘e filtro ce simme, però a mutore stamme nu poco scarzulille.

INLER 6: ‘O chiammavano Gökhàn “Videtavellavuje”.

DE GUZMÁN 5: Tana pe Jonathana! Guagliò, può ascì, ce n’amme juto â casa.

(dal 63′ CALLEJÓN 5,5): ‘Na mez’oretta quase sfastediato. «Justo pe me fà scuncecà ‘e capille», avrà penzato.

HAMŠÍK 7,5: “Nemo propheta in patria”, se dice. Embè stu Nemo ‘e pallone nun ne capeva niente…

(dall’83’ MESTO s.v.) Dint”a ddiece minute scarze era difficile a fà danne. Perzino pe isso.

MERTENS 5,5: E pò nun era meglio Insigne?

ZAPATA 5: ‘Na vota me vedette nu gol ‘e Zapata â muviola; ce mettete tre quarte d’ora. Holly e Benji.

(dal 73′ HIGUAÍN 7) Pe cient’anne, figliu mì. Pe cient’anne.

di Domenico Ascione (Twitter: @vesuvilandia)