C”A CAPA DINT”O PALLONE – Diece, ‘o ciuccio llà mmiezo

di Domenico Ascione (Twitter: @vesuvilandia)

Diece, comme diece vittorie fore casa dint”a ‘na sola vota. È ‘o record ‘e chistu Napule ca finalmente accummencia a jucà comme Maradona… cioè, comme Cristo cummanna. Diece, comme ‘o metaforico nummero ‘e maglia ‘e chilli tre-quatto fenomene llà annanze ca d”o diece teneno ‘a classe, ‘o ggenio, ll’estro, ‘o destro e ‘a fantasia: Mertens, Callejón, Higuaín, Insigne, e pure Marekiaro, va’, ca ‘sta staggione nun pò ca essere stata n’incidente. Diece, comme ‘n’annata da protagoniste. Diece, comme ‘o ciuccio llà mmiezo. Mmiezo ‘e grande d’Italia, ancora troppo intermittente pe penzà tricolore, però già nu guappo fuosso a se scanzà ‘ncopp”a partita secca. Diece, comme ‘o voto ca s’ammereta Benítez, ll’architetto prencepe ‘e nu prugetto chino ‘e speranza e ambizzione. N’ommo serio, pacato, brillante, capace pure ‘e cagnà modulo quanno ‘o rrichiede ‘a situazzione. ‘Sta canzone vene a te, Mazzà. Ma tanto, a lavà a capa ô ciuccio – comm’era ‘o fatto? – se perde ll’acqua e ‘o ssapone.