C”A CAPA DINT”O PALLONE – Comm’è amaro stu Rafè

di Domenico Ascione (Twitter: @vesuvilandia)

“Marzo pazzariello, aesce ‘o sole e piglia ‘o ‘mbrello”.
Ma ‘o primmo ‘e Quaresma nun era ‘e 9? Eh no, maglia c”o nummero 7, minuto 77 (‘e diavulille), Peppino Reina vene trafitto p”a siconda vota e ‘o Napule ha dda salutà pure chist’anno ‘a bella Europa. Ma pecché, dico je, ched’è che manca ancora? Nu poco ‘e furtuna, quacche ato investimento degno ‘e nota? O è sulo ca ‘o pallone ‘e tunno  e s’appucundrisce si nun ‘o schiaffe ‘nfunno?
A sti livelle, signà sulo ‘na vota ‘ncoppa ‘a quinnece è ‘na cundanna a morte garantita. E accussì è stato; mo haje voglia a dicere “Ce l’avessemo ammeretato…”.
Avimme fatto ‘na partita ‘e lusso, forze ‘a cchiù bella da nu pare ‘e lustre a chesta parte. Core, anema, juoco ‘e squadra. Stavota, guagliù, nun ce sta proprio niente ‘a se lagnà. C’avimme sulo ‘a levà ‘o cappiello pe sti guagliune e pe Rafiluccio nuosto. Però, parlammoce cu franchezza, c’Insigne rimaste ‘e Mertens.