di Domenico Ascione (Twitter: @vesuvilandia)
‘Nzerra chella porta. Qua’ porta? Chella porta; quanti pporte vide, neh Aurè? Avimme capito ca annanze stamme mise ‘na bellezza, ma si pò ogne vvota ‘o pigliammo arreto… cioè, nel senso ca pigliammo ‘o gol, capì? E mo rispunne a mme, ma senza annasconnerme niente; Tu ce facive ammore cu’ Rafèle? Qua’ Rafèle? Rafèle, chillo cu ‘e llente e ‘o bbaffetiello. Madò, ‘o spagnuolo, capì? Sì, bravo è bravo, però ce vonno pure ‘e jucature sistimate, capì? Amico mio, ccà nozze cu ‘e fficu secche nun se ne fanno. ‘A prova è accummenciata già ‘a paricchio, ‘e mmane l’avimmo sbattute, ‘e spingule francese l’avimmo piazzate, ma chella porta sempe aperta sta, te truove? Avimme pruvato cu Pepe, cu Rafèle (no, no chillo cu ‘e llente e ‘o bbaffetiello. ‘O bbrasiliano, capì?), ma nun c’è stato verso. Sì, vabbuò, haje accattato a nu bellu dries ‘e ggente: Pipita, Mertèns, Callejón… e chi sta dicenno niente? Però, me dispiace ‘e t”o ddicere, nun abbasta mica. No, nun abbasta. ‘Sta città vò vencere, e a nu certo punto se l’ammeretasse pure. Jamme, jà, ‘o ssapimmo tutte quante ca si ommo. Anzi, qua’ ommo, si’ nu galantommo. A proposito; te l’arricuorde ‘a primma attrice e ‘a cumpagna soja? Aspè, comme se chiammavano… Ah sì, Florence e Viola; che ddice, ‘e ‘ncuntramme assieme ê tre ‘e maggio a Roma?
